ЗӨВЛӨХ ҮЙЛЧИЛГЭЭНИЙ ЗАР
ЗӨВЛӨХ ҮЙЛЧИЛГЭЭНИЙ ЗАР
Хүнс, хөдөө аж ахуй, хөнгөн үйлдвэрийн яам (ХХААХҮЯ), Дэлхийн банкны Олон улсын хөгжлийн ассоциациас Мал аж ахуйн эдийн засгийн эргэлтийг нэмэгдүүлэх төслийг санхүүжүүлэх зээлийн хүрээнд “Мал, амьтны вирусийн гаралтай халдварт өвчнөөс урьдчилан сэргийлэх вакцины үйлдвэрлэл болон хадгалалт, түгээлтийн хүйтэн хэлхээний тогтолцоог хөгжүүлэх техник эдийн засгийн урьдчилсан үндэслэл боловсруулах” зөвлөх үйлчилгээ худалдан авахаар мэргэшсэн байгууллагуудыг хамтран ажиллах сонирхолoo ирүүлэхийг урьж байна.
Энэхүү зөвлөх үйлчилгээ нь үндэсний үйлдвэрлэгч Биокомбинат ТӨХХК-ны вирусийн гаралтай вакцин үйлдвэрлэлийн технологийг бүрэн шинэчлэхэд зориулж урьдчилсан ТЭЗҮ хийж гүйцэтгэх, мал амьтны вакцины хүйтэн хэлхээний сүлжээг олон улсын жишигт нийцүүлэх арга хэмжээний төлөвлөгөө боловсруулах, мөн түүнчлэн, мал эмнэлгийн лабораториудын өнөөгийн чадавх, үйл ажиллагааны цогц үнэлгээнд суурилсан улсын мал эмнэлэг ариун цэврийн төв лаборатори, мал эмнэлгийн эмийн сорилт баталгаажуулалтын улсын лаборатори болон сонгосон аймгуудын мал эмнэлгийн лабораториудыг чадавхжуулах, сумдын мал эмнэлгийн үйлчилгээний нэгжийг чадавхжуулж, үйлчилгээний чанар хүртээмжийг нэмэгдүүлэх үйл ажиллагааны ерөнхий төлөвлөгөөний төсөл боловсруулах чиг үүрэгтэй юм.
Зөвлөх байгууллагыг Дэлхийн Банкны хөрөнгө оруулалтын төслийн санхүүжилтийн зээлдэгчдийн мөрдөх худалдан авах ажиллагааны журам: Бараа, Ажил, Зөвлөх ба Зөвлөхийн бус үйлчилгээ (2023 оны 09 дүгээр сард шинэчилсэн)-ний Зөвлөхийн чадварт суурилсан үнэлгээний аргын дагуу сонгон шалгаруулах ба “хамгийн сайн” үнэлэгдсэн зөвлөх байгууллагыг техникийн болон санхүүгийн санал ирүүлэхийг урих бөгөөд ирүүлсэн санал нь “хангалттай” гэж үнэлэгдвэл гэрээний хэлэлцээрт урина. Зөвлөх байгууллага нь ур чадвар, туршлагаа нэмэгдүүлэх зорилгоор түншлэлийн хэлбэрээр оролцож болно.
Зөвлөх үйлчилгээний ажлын даалгавар, сонирхлоо илэрхийлэх маягт, зааврыг доорх хаягаар холбогдож авна уу.
Сонирхлоо илэрхийлсэн мэдэгдлийг 2024 оны 09 дугаар сарын 20-ны 10:00 цагаас өмнө Төсөл хэрэгжүүлэх нэгжид доорх хаягаар эсвэл цахимаар ирүүлнэ үү.
Мал аж ахуйн эдийн засгийн эргэлтийг нэмэгдүүлэх төсөл
Улаанбаатар хот, Сүхбаатар дүүрэг, Сити тауэр, 704 тоот.
Утас: 7700-4047, Цахим хаяг: tugullcp@gmail.com